தமிழ்நாடு ஒளிர்கிறது..(நன்றி ஆற்காடு நவாப்க்கு)

கடைசியா வந்த நூசு..

சென்னை: தமிழகத்தில் வருகிற மே மாதம் வரை மின் வெட்டு நீடிக்கும் என்று கூறி விட்டார் தமிழக மின்துறை அமைச்சர் ஆற்காடு வீராசாமி . தமிழகத்தில் அதிகளவில் தொழிற்சாலைகள் அமைக்கப்பட்டு வருவதால் மின்சார தேவை அதிகரித்து வருகிறது. இதனை சரி செய்ய அண்டை

மாநிலங்களில் இருந்து 10,000 மெகாவாட் வரை மின்சாரம் பெறப்பட்டு, மின் விநியோகம் செய்யப்பட்டு வருகிறது. கோடை காலத்தில் மின் உற்பத்தி குறைவாக இருப்பதால் கிராமப்புறங்களில் நாள் ஒன்றிற்கு 2 மணி நேரம் மின்வெட்டு அமல்படுத்தப்பட்டுள்ளது; அதிகளவில் மின்வெட்டு  இருப்பதாக கூறப்படுவது பொய்யான தகவல்.

கிராமப்புறங்களில் தேர்விற்கு படிக்கும் மாணவர்களுக்கு எவ்வித பாதிப்பும் ஏற்படாமல், பகலில் மட்டுமே மின் வெட்டு அமல்படுத்தப்பட்டுள்ளது  என்றார் வீராசாமி.


போனவாரம் வந்த நூசு
தமிழ் நாடு மிந்துறையில் தன்னிறைவு பெற்றது.. அண்டை மாநிலங்களுக்கு மின்சாரம் வழங்கும் அளவுக்கு நாம்  முன்னேறிகொண்டுள்ளோம்..

--------------------------------------------------------------------------------------------------

நன்றி ஆற்காடு வீராசாமி அவர்களே.. போன வாரம் செய்திதாள்களில், தமிழ் நாடு மின்துறையில் தன்னிறைவு பெற்றுவிட்டதாகவும்,  பிற மாநிலங்களுக்கு, மின்சாரம் சப்ளை செய்யும் அளவுக்கு, நாம் முன்னேறிவிட்டோம் எனக் கூறிய உங்கள் பேட்டியை படித்தேன்.. ஆனால் .. சமீபத்தில் மின்வெட்டு நீடிக்கும் என் நீங்கள் சொன்ன பேட்டியையும் படித்தோம்..


இன்னுமுதல்,   தனிமனித தாக்குதலை தவிர்க்க முடிவு செய்துள்ளதால்..நானே கேள்விகள் கேட்டு ,பதில்களையும் சொல்லிவிடுகிறேன்.. இதில் தவறுகள் இருந்தால், என்னை நீங்கள் கும்மியெடுக்கலாம் என்பதையும் இத்தருணத்தில் சொல்லிக்கொள்ள  விருப்பபடுகிறேன்.. நன்றி அய்யா..

( தயவுசெய்து கும்மும் போது குப்புறபடுக்கவைத்து கும்மவும்..தலைச்சன் பிள்ளையை மல்லாக்க படுக்கவைத்து  கும்மக்கூடாது என சாஸ்திரத்தில் கூறப்பட்டுள்ளது இதை என்னுடைய வேண்டுகோளாக வைக்கிறேன்..)

1. ஏன் ஒரே வாரத்தில் இந்த மாற்றம்..?
ஷேர் மார்க்கட்டில ஏற்றம் , தாழ்வு நிகழ்வது சகஜம்தானே..அது , நான் அன்று சொன்னது..  இதை நான் இன்று சொல்வது..

2. ஒரு அமைச்சராக இருந்து கொண்டு, உங்கள் கடமையை சரிவர ஆற்றவில்லை என்பதைப்பற்றி?..
யார் சொன்னது.. எனக்கு அரசியலில் பழத்த அனுபவம்.. உங்கள் வயது எனது அனுபவத்தைவிட குறைவாகவேயிருக்கும்..  மக்களுக்கு.. எதை எப்போது பண்ண வேண்டும் என எங்களுக்குத் தெரியாதா?

3. கிராமம் தான் நாட்டின் முதுகெழும்பு என ஒரு பெரியவர்  சொல்லியிருந்தாரே?..அப்புறம் ஏன் கிராமம் மக்கள்மீது மட்டும்
இந்த கொலைவெறி தாக்குதல்?.
தம்பி..முதல்ல ஒன்றை புரிந்துகொள்..

வரப்பு உயர நீர் உயரும்..

நீர் உயர நெல் உயரும்..

நெல் உயர குடி உயரும்..

குடி உயர கோல் உயரும்..

கோல் உயர கொற்றவன் உயர்வான்..

நாங்கள் அன்றே சொல்லிவிட்டோம்.. ”கிராமத்தினர்தான் இந்நாட்டு மன்னர்கள் என்று!!”..  அவர்களுக்காக கடைசிசொட்டு ரத்தம் உள்ளவரை பாடுபடுவோம்.. முதலில் வரப்பை உயர்த்த ( அதாவது நாம்.. நகரத்தினர் ) பாடுபடுவோம்..  கடைசியாக.. மன்னர்கள் உயர்ந்துவிடுவார்கள்..

4.தமிழகத்தில் அதிகளவில் தொழிற்சாலைகள் அமைக்கப்பட்டு வருவதுதான், மின்சார தேவை அதிகரிக்க காரணம் எனக்கூறுகிறீர்களே?
உண்மை..அதற்கு கழகம் உயிரைகொடுத்து போராடிவருகிறது..
முடிந்த அளவு புது தொழிற்சாலைகளுக்கான லைசென்ஸ்யை கொடுப்பதில்லை.. மேலும் மின்சாரத்தை அதிகம் உபயோகிக்கும்
தொழிற்சாலை உரிமைகளை ரத்து செய்யலாமா எனவும் பொதுக்குழு ஆலோசித்து வருகிறது..

அய்யா.. இதற்கு மேல் பேட்டியை தொடர்ந்தால்..நல்ல உள்ளங்கள் பாதிக்கபடும் என்பதால்  இத்துடன் முடித்துக்கொள்கிறேன்..

கீழகண்டவை எனது சொந்தக்கருத்து இது..யார் மனத்தையும் புண்படுத்த விரும்பவில்லை..
மாணவர்களுக்கு எவ்வித பாதிப்பும் ஏற்படாமல், பகலில் மட்டுமே மின் வெட்டு அமல்படுத்தப்பட்டுள்ளது எனக்கூறியதால்.  நானும் எனது வருங்கால சந்ததியனரும்.. கழகத்துக்கு மட்டுமே வாக்களிக்க முடிவுசெய்துள்ளோம்..    அதை மீறும் குடும்பத்தாருக்கு.. எனது சொத்தில் ஒரு நயா பைசா கிடையாது..
.
.
.