பொறுத்தார் பூமி ஆள்(ழ்)வார்.

இடம் : சத்யமூர்த்தி பவன்
நேரம் : காலை கருக்கல்

அண்ணே வணக்கண்ணே. நாந்தான் பட்டாபட்டி..


அடடே. வாங்க.. என்னோட அறிக்கைய பார்த்து மெய்சிலிர்த்துதானே வந்தீங்க?.

நீங்க வேற தல. உங்க கட்சிக்கு ஆள் சேர்க்க, யுவராசாகூட நடைப்பயணம் போயிருந்தேன். அப்படியே கஷ்டப்பட்டு 4 பேரை  தேத்தியிருக்கேன். பார்த்துப் பன்ணுங்க.

நாலு பேரா?.. தம்பி உன்னைய மாறி இள ரத்தம் தான் கட்சிக்கு வேணும்.ஆமா இந்த நாலு பேர்கிட்டேயும்  சொல்லித்தானே சேர்த்திருக்கே.

என்னா தலைவா?.. ஏதாவது புதுசா சட்டம் போட்டிருக்கீங்களா?..  சொல்லவேயில்லை..

அது இல்லப்பா. இளங்கோவன் என்னை மதிக்கிறதேயில்லை. சரி.... வயசான கிழடுக. அப்படிதான் இருக்கும்.  ஆனா பாரு.  நேற்று வந்த சின்ன பையனுககூட என்னை மதிக்கமாட்டிங்கிறானுக.

யாரை தலைவா சொல்றே?. நம்ம ராகுல் பயலையா?.

ஆகா.. தப்பு.. தப்பு.. கன்னத்தில போட்டுக்க. அவங்க இல்லேனா, இந்தியாவே இல்லை தெரியுமா?.  சோனியா பரம்பரையே நாட்டுக்காக உழைச்ச பரம்பரை. அவங்க பாதம் இந்த மண்ணில பட்டதாலதான், இந்தியா   புண்ணியபூமி ஆகியிருக்கு..  (சாஷ்டாங்கமாக வடக்கு பார்த்து விழுந்து வணங்குகிறார்.)

அப்படியே, நீயும் விழு தம்பி. போட்டோ எடுத்து , விளம்பரம் பண்ணிட்டா, அடுத்த ஐந்து வருசத்துக்கு யாராலும் அசைக்க முடியாது.

என்னத்த தலைவா அசைக்கமுடியாது?.

இல்ல.. இந்த  தமிழக காங்கிரஸ் தலைவர் பதிவில் நான் இருப்பது ரொம்ப பேருக்கு பிடிப்பதில்லை.  நான் வந்தபின்தான், தமிழகத்திலேயே மழை பெய்தது. ஆனா எல்லாப்பயலும் மறந்துட்டானுக.

சரி அதை விடுங்க தலைவா. கால்ல விழும் காலாச்சாரம் எனக்கு பிடிக்காது. அதுமில்லாம, ரெண்டு நாளா  முதுகுவலி வேற.
இப்ப எதுக்கு , கழிப்பறைய இடிச்சுட்டு இருக்காங்க?.

ஓ. அதுவா தம்பி.. ( ரகசியமாக) கழிப்பிடம் வடக்கு பார்த்து இருக்கு. அப்படி உட்கார்ந்தா, அன்னை  கோவிச்சுக்குவாங்க. மேலும் எங்கள் அன்னை எங்களை..

யோவ்.. விடுய்யா.. எரிச்ச மயிறா வருது.. சரி . உங்க அன்னை இருக்கும் திசை பார்த்து கக்கூஸு போகமாட்டே.அதுதானே மேட்டரு. விட்டுத்தள்ளு. வேற ஏதாவது புதுசா விசயம் இருந்தா சொல்லு.

தம்பி கோபமாயிருக்குறமாறி தெரியுது. . நேற்று என்னோட அறிக்கைய படிச்சீகளா?. கஷ்டப்பட்டு நாலு மாசம் உட்கார்ந்து, யோசனை பண்ணி, பக்காவா அறிக்கை விட்டிருக்கேன். இனி ஒரு பயலும் என்னை அசைக்கமுடியாது.

அப்புறம்..ராசாவ கழட்டி விட்டாச்சு. அம்மா அறிக்கை விட்டாச்சு. உம். அடுத்த நாடகத்தை பார்க்க தமிழக  மக்கள் துண்டப்போட்டுக்கிட்டு ரெடியாயிட்டானுக. சரி  யாருகூட கூட்டணி?.

அதாவது எங்கள் அன்னை யாரை கை காட்டுகிறார்களோ, அவர்களுடந்தான் கூட்டணி. எங்கள் அன்னை எங்கள்  தெய்வம். எங்கள் தெய்வம் பெற்றெடுத்த சின்ன தெய்வம் ராகுல் காந்தி. அவர் கண் காட்டினால், தமிழகத்தில ஆட்சி மாற்றம் ஏற்ப்படும். மேலும் எங்கள் தெய்வம்.................


யோவ்.. Stop.. Stop..என்னால சத்தியமா முடியலே. ஒரே தெய்வங்களா இருக்கு.. சத்தியமா இந்தியா புண்ணிய பூமிதான்.

தம்பி. கடைசியா எங்களை நல்லா புரிஞ்சுக்கிட்டீங்க. அப்படியே அந்த உறுப்பினர் அட்டையில ஒரு கையெழுத்தை மட்டும் போட்டுட்டீங்கனா, மீதிய நான் Fill பண்ணுக்குவேன்.

வெண்ணை.. உயிரை குடுக்க சொல்லு. கொடுக்கிறேன். ஆனா, உங்க கட்சீல மட்டும் சேரமாட்டேன்.  சுதந்திரம் வாங்கிதந்து(?), நாட்டை, ஆளு..ஆளுனு ஆண்டுக்கிட்டு. இன்னும் கூசாம, இந்தியாவை வல்லரசு  ஆக்குவோமுனு கூவிக்கிட்டு இருக்கீங்களே. நான் என்ன மூளை இல்லாத மடையனா?.
இங்க பாரு .. வளவளனு பேசாம அந்த அறிக்கைய கொடு. பப்ளிஸ் பண்ணிட்டு பொழப்ப பார்க்கப்போறேன்.
--------------------------------------------------------------------------------------------------------
பின்வருவது அண்ணன், ஆருயிர் தலைவன், தெய்வம் பெறாத பிள்ளை கொடுத்த அறிக்கை.  பூசை அறையில்  வைத்து, இதை மூணு வேளை நாள் தவறாது சொல்லி வந்தால், இந்தியா வல்லராசுக் காலம் விரைவில  வந்துவிடும்..
--------------------------------------------------------------------------------------------------------


//

• சோனியா காந்தி பிரதமர் பதவியையே ஏற்க மறுத்து தியாக உணர்வோடு மக்கள் பணியாற்றி வருபவர். குறிப்பாக  இலங்கை தமிழர்களை பாதுகாக்கும் பாசமிகு தாயாக செயல்பட்டு வரும் நிகரற்ற தலைவியாவார்.

• இலங்கைப்போர் நிகழ்வுகள் தொடங்கிய காலத்திலும், அது நடைபெறும் நேரத்திலும் அது முடிவுக்கு வந்து சுமூக சூழ்நிலை முழுமையாக உருவாகப்போகும் இன்றைய காலக்கட்டம் வரை அனைத்து நிலைகளிலும் சோனியாகாந்தியின் மனிதாபிமான வழிகாட்டுதலில் பிரதமர் மன்மோகன்சிங் தலைமையிலான மத்திய அரசு எடுத்ததொடர் நடவடிக்கைகளை  தமிழக மக்களும், இலங்கைவாழ் தமிழர்களும் ஒருபோதும் மறந்திருக்க மாட்டார்கள்.

• போர் நிறுத்தப்பட வேண்டும் என்பதை வலியுறுத்தி 2009-ம் ஆண்டு ஏப்ரல் 27-ந் தேதி தமிழக முதலமைச்சர் கருணாநிதி தலைமையில் நடைபெற்ற உண்ணாநோன்பிலும், அதே ஆண்டு பிப்ரவரி மாதம் 7, 8, 9-ந் தேதிகளில் நடைபெற்ற பேரணி, பொதுக்கூட்டங்களிலும் பங்கேற்க வேண்டும் என்று சோனியா காந்தி அறிவுறுத்தலின்படி தமிழ்நாடு காங்கிரஸ் தொண்டர்கள் பங்கேற்றனர்.

• சோனியாகாந்தியின் வழிகாட்டுதலில் மத்திய அரசு 800 டன் உணவு, மருந்து மற்றும் அத்தியாவசிய  பொருட்கள் 4-11-2008 அன்றும், 9-3-2009 அன்று 25 டன் மருந்து பொருட்களுடன் டாக்டர்கள்,  செவிலியர்கள் உள்பட இந்திய மருத்துவக்குழு இலங்கை போர் பகுதிக்கு அனுப்பி வைக்கப்பட்டு இலங்கை  தமிழர்களுக்கு சிகிச்சை அளிக்கப்பட்டது.

• போர்க்காலத்தில் அங்கு உணவின்றி தவித்த இலங்கை தமிழர்களுக்கு சோனியா காந்தியின் ஆணைகேற்ப கடந்த  16-4-2009 அன்று அரிசி, பருப்பு, மருந்து மற்றும் துணிமணிகள் ஆகிய நிவாரணப்பொருட்கள்  வழங்கப்பட்டன.

• இலங்கைத் தமிழர்களை காப்பாற்ற அங்கு போர் நிறுத்தம் வேண்டும் என்று பிரதமர் மன்மோகன்சிங் இலங்கையில்  நடைபெற்ற சார்க் மாநாட்டின் போது அதிபர் ராஜபக்சேவிடம் நேரிலும், மீண்டும் தொலைபேசி மூலமும்  இரண்டுமுறை பேசினார்.

• இந்திய வெளியுறவுத்துறை மந்திரி பிரணாப் முகர்ஜி, இலங்கைக்கு நேரடியாக சென்று அதிபர் ராஜபக்சேவை  சந்தித்து, `இலங்கையில் போர் நிறுத்தப்பட வேண்டும். அப்பாவி தமிழர்களுக்கு பாதுகாப்பு வேண்டும்' என்று  வலியுறுத்தினார். அதையொட்டி 48 மணி நேரத்தில் போர் நிறுத்தம் செய்யப்பட்டது.

• இலங்கையில் அமைதி நிலை உருவாக வேண்டும், அதற்கிடையே போரில் அல்லல்படும் இலங்கை தமிழர்களின்  துயர் துடைக்கப்பட வேண்டும் என்பது போன்ற நடவடிக்கைகளில் மத்திய அரசு எடுத்த ஒருசில நடவடிக்கைகளை மட்டுமே நினைவுபடுத்தியுள்ளேன்.

• அதைத்தொடர்ந்து போர் நிறுத்தப்பட்டு அங்கு அமைதி சூழல் உருவான நிலையில் அங்குள்ள தமிழர்களின் புனர்வாழ்வுக்கு மத்திய அரசு சார்பில் 5 ஆயிரம் கோடி ரூபாயை வழங்கியிருக்கிறது என்பதை நாடறியும்.

• வீடிழந்து, உணவின்றி தவிக்கும் இலங்கை தமிழர்களுக்கு, அங்கு 50 ஆயிரம் வீடுகள் கட்டித் தரும் பணி  விரைவில் தொடங்கும் என்ற செய்தி அண்மையில் மத்திய அரசால் அறிவிக்கப்பட்டுள்ளது.

• இலங்கை போர்க்காலம் தொடங்கி, அது நின்றதற்கு பின்பு இதுவரை மனிதாபிமான உணர்வோடு மத்திய அரசால்  நடைபெற்று வரும் இலங்கை தமிழர்களின் மறுவாழ்வு திட்டங்கள் அபரிமிதமாக தொடர்ந்து நிறைவேற்றப்பட்டு வருகின்றன.

• அங்கு விடுதலைப்புலிகளின் பிரச்சனை உக்கிரம் அடைந்த கடந்த 1983-ம் ஆண்டு முதல் இந்திராகாந்தி,  ராஜீவ்காந்தி, பிரதமர் நரசிம்மராவ் ஆகிய தலைவர்களின் காலங்களில் இலங்கை தமிழர்களுக்கு வாழ்வுரிமையை பெற்றுத்தரும் பணிகளில் உலகளாவிய அளவில் எத்தனை எத்தனை நடவடிக்கைகளை செயல்படுத்தி வந்தார்கள்  என்பது வரலாற்றில் மறைக்க முடியாத அத்தியாயங்கள்-சாதனைகள்.

• ராஜீவ்காந்தி-ஜெயவர்த்தனே ஒப்பந்தம் இலங்கை தமிழர்கள் வாழ்வை பாதுகாக்கும் அரணாக உருவாக்கப்பட்டது. ஆனால் வைகோவின் பிதாமகன்களான விடுதலைப்புலிகளின் தடையால் அது நிறைவேறாமல் போனது.

• இலங்கை தமிழர்களின் வாழ்வுரிமைக்காக போராடிய விலைமதிக்க முடியாத தலைவர் ராஜீவ்காந்தி அவர்களை  தமிழின துரோகிகளால் பறிகொடுத்தோம். இன்றைக்கு சோனியா காந்தி பிரதமர் பதவியையே ஏற்க மறுத்து தியாக  உணர்வோடு மக்கள் பணியாற்றி வருபவர். குறிப்பாக இலங்கை தமிழர்களை பாதுகாக்கும் பாசமிகு தாயாக  செயல்பட்டு வரும் நிகரற்ற தலைவியாவார்.

• அரசியல் நடத்த வேறு வழியோ, கொள்கையோ இல்லாத நிலையில் இலங்கை தமிழர் ஒன்றை மட்டுமே வைத்து  தமிழின மக்களுக்கு விரோதமாகவும், எஞ்சியிருக்கும் தமிழர்களை காப்பாற்றும் மத்திய அரசு நடவடிக்கைகளுக்கு எதிராகவும் பேசி செயல்படுகிற வைகோவுக்கு சோனியா காந்தியை பற்றி பேச எவ்வித அருகதையும் கிடையாது.

• தமிழர்களின் வாழ்வுரிமைக்காக போராடிய தலைவர் ராஜீவ்காந்தி அவர்களை கொலை செய்த கொலையாளிகளுக்கு துதிபாடும் வைகோ போன்றவர்கள் இலங்கை தமிழர்களுக்கு மட்டுமல்ல, தமிழக மக்களுக்கு கூட எதையும்  செய்யும் வாய்ப்பற்றவர்கள் என்பதை மக்கள் அறிவார்கள்

//


 டிஸ்கி.
நாளைபின்னே, இந்தியா ஏன் முன்னேறலேனு கேள்வி கேட்பவர்களுக்கு..

யோவ்.. மூணு வேளை பூசை பண்ணுங்கனு அண்ணாரு சொல்லியாச்சு. அதை ஒழுக்கமயிரா பண்ணினா,  இந்தியா முன்னேறும்.  இல்லே.. பிரியங்காவோட சின்ன தெய்வங்களோ, இல்லை ராகுல்க் காந்தியோட, சின்ன   தெய்வங்களோ வந்து இந்தியாவை வல்லரசு ஆக்கும் வரை பொறுத்துக்குங்க..

பொறுத்தார் என்னத்தை ஆள்வார்....

ஆம்..           பூமியை ஆள்வார்....


( சரியா சொன்னவங்க, அப்படியே அந்த காங்கிரஸ் உறுப்பினர் அட்டைய எடுத்து பூர்த்திசெய்து அனுப்புங்க. அதில் குலுக்கல் முறையில் தேர்வு செய்யப்படும், அந்த நாலு(?) பேருக்கு, ராகுல் காந்தி கைப்பட எழுதிய, “பரதேசி மக்களும், பார்புகழ் காங்கிரஸும் “ என்ற  புத்தகம் வழக்கப்படும்)

மேலும் குலுக்கல் நடைபெறும் நாளன்று, அன்றைய அரசியல் நிலவரப்படி அன்னையுடன், அம்மாவோ அல்லது,  கருநா ணாநிதியோ கை கோர்த்து மக்களுக்கு காட்சி அளிப்பார்கள் என்று எதிர்பார்க்கப்படுகிறது.

முந்துங்கள்.. உறுப்பினர் அட்டையை பூர்த்தி செய்யுங்க.. அன்னைய ஓட்டிச்செல்லுங்கள்... சாரிப்பா.. அன்னையின் அன்பைப் பெற்றுச்செல்லுங்கள்...

(இளங்கோவன் அவர்களுக்கு.... தங்கபாலுக்கு சனி சங்கோட நிற்குது சார்.. அவர் அறிக்கையில், உங்கள் அன்னையை,  தெய்வம் என்று குறிப்பிடாமல், பேரை சொல்லியிருக்காரு.. உம்.. போர் முரசு கொட்டுங்கள்.. வாழ்க தமிழமக்கள்.. வளர்க இந்தியா...)

.
.
.