சென்ற வாரப் பதிவுலகம்

மியான்மர்

பர்மா என்று முன்னர் அழைக்கப்பட்ட மியான்மர் நாட்டின் ராணுவ அரசால் வீட்டுக் காவலில் வைக்கப்பட்டிருந்த அந்நாட்டின் ஜனநாயகப் போராளியும், அமைதிக்கான நோபல் பரிசு பெற்றவருமான ஆங் சான் சூ கி விடுதலை செய்யப்பட்டார்.

ராணுவ ஆட்சிக்கு எதிராக போராடிய ஆங் சான் சூ கி (வயது 65), கடந்த 21 ஆண்டுகளில் சுமார் 15 ஆண்டுகளை சிறையிலேயே கழித்துள்ளார்.

விடுதலை செய்யப்பட்ட மறுதினமான ஞாயிற்றுக்கிழமை, யங்கோனில் உள்ள தனது கட்சி தலைமையகத்தில் உரையாற்றிய அவர்,

"நம்பிக்கையை விட வேண்டாம். நம்முடைய லட்சியங்களை எப்படி அடைவது என்பதை மக்கள் எண்ண வேண்டும். அனைத்து ஜனநாயக சக்திகளுடன் இணைந்து பணிபுரிய தயாராக இருக்கிறேன். மக்கள் விரும்பினால் மியான்மர் மீதான தடைகளை நீக்க மேற்கத்திய நாடுகளுடன் பேச தயாராக இருக்கிறேன். கடந்த 7 ஆண்டுகளாக தான் சிறை வைக்கப்பட்டது தொடர்பாக, என்னை சிறை வைத்தவர்கள் மீது எனக்கு எவ்விதமான வஞ்சமும் இல்லை," என்றார்.


 

*********** -X- ************

ஒருவேளை, தமிழகமாக இருந்திருந்தால்..மக்கா... நான் சொல்லவந்தது..உம்..உம். இருந்திருந்தால்....., ."அய்யோ கொல்றாங்களே" என்று கூவி, இரண்டு மணி நேரத்தில் வெளிவந்து இருக்கலாம். உம்.....விடுங்க...

ஜனநாயகம் உயிருடன்தான் இருக்கிறது.

.

.

.

கலாச்சாரம் , Living Together

போன வார ஹாட் டாபிக்தான் இது.. கலாச்சாரம், சீரழிவு, பாதுகாவலர்கள், வன்புணர்சி, மென்புணர்சி, துகிலுரிதல்.etc..etc.. புதுப்புது வார்த்தைகளை தெரிந்துகொள்ள உதவிய, சக பதிவர்களுக்கு, கோடான, கோடி நன்றிகள் அய்யா.  

( நல்லவேளை.. சைலேந்திரபாபுகாரு,   போட்டுத்தள்ள(?),  போலீஸ்காரன் கைகளில துப்பாக்கியைக் கொடுத்து அனுப்பவில்லை...)

• ரேஷன் கடை,

• திரை அரங்கம்,

• பால் பூத்,

• அரசாங்க அலுவலகங்கள்,

• சாலைவிதிகள்,

• மனிதாபிமானம்,

• தனிமனித ஒழுக்கம்..

இதெல்லாம் என்னானு கேட்குறீங்களா?. இருங்க பாஸ்.... சொல்லுவமில்ல...

மறுமணம், காதல் திருமணங்கள் பெண்ணுரிமை.. எல்லாம் அங்கங்கே நடந்துகொண்டுதான் இருக்கிறது. ஆனால் மிகக்குறைந்த சதவீதத்தில் என்று சொல்லிக்கொள்வதில் வருத்தம்தான். என்ன செய்ய?. 

"அப்படி இருந்திருந்தா, இப்படி பன்ணியிருப்பேன். இப்படி கிடைத்திருந்தால், அப்படி செய்திருப்பேன்". அடுத்தவரை குறை கூறியே வளர்ந்த சமுதாயம் இது. ஒரு தவறு செய்தால், எவ்வளவு பேர், அந்த தவற்றில் பாடம் படித்தவர்களாக இருக்கிறார்கள் என நினக்கிறீர்கள்?

சந்து கிடைத்தால், நுழைக்கலாம்(?) என்ற தீவிர சிந்தனை உள்ள நற்குடி, நம்குடி.


ரேஷன் கடைகளாகட்டும், திரை அரங்குகளாகட்டும், தனிமனித ஒழுக்கத்துடன் இருப்பவர்களை விரல்விட்டு எண்ணிவிடலாம்.. முன்நிற்பவன்மேல முட்டவைத்துக்கொண்டு நிற்கவில்லையென்றால், கட்டை வேகாது சார்.


சாலை விதிகளை பின்பற்றுங்கள்.. அப்படீனா?.. அதேதான்.. நம்ம கலாச்சாரம்.

ரெட் விழுந்தாலும், முட்டிமோதி, முன்னாடி போய் நிற்கவேண்டும். பச்சை விழுந்ததும் , முதலில் விரட்டும் ஆனந்தம் இருக்கே.. ஆகா.. சொல்லில் வடிக்கமுடியாது. இந்தப் பெருமைய யாரால சார் விட்டுக்கொடுக்க முடியும்.?


அப்புறம் நம்ம அரசியல் கட்சிகள். சாராயம் காய்ச்சியவன், மூஞ்சியில் சாயம் பூசியவர்கள், ஆங்க்.. நம்ம மகளிர் அணி.. அதாவது பிராத்தல் பண்ணிக்கிட்டு இருந்தவங்க எல்லாம் கட்சி, தலைமை, வட்டம், மாவட்டம்னு நுழையராங்களே. எதுக்குனு நினக்கிறீங்க?


மக்களுக்கு நல்லது பண்ணி, சமுதாயம் முன்னேற வேண்டும் என பாடுபடவா? ஊகூம். நமக்கு போஸ்ட் கிடைக்கனும். பணம் சுருட்டனும். பேர் புகழ் வாங்கனும். மறக்காம, வெள்ள சட்டை போடனும். பார்ப்பவர்கள், "வணக்கம் தலைவா"னு கும்பிடனும். அப்பால, சாயந்திரம் ஆனா, தண்ணி இறங்கனும்.( உள்குத்து எதுவுமில்லை சாமிகளா...)

 

இப்படி அடுத்தவர்கள், பிரச்சனைகள , காலடியில் போட்டு மிதித்து, சுயநலனுக்காக, பழகியவர்களையே போட்டு தள்ளும் சமூகத்தில்,  காலாச்சாரம், பண்பாடுனு பேசினா, அய்யோ.. நினைக்கவே பயமாயிருக்கு. அவர்களுக்கு என்ன சார். ஆடும் வரை ஆட்டம்.. அப்பால ஓட்டம்..

இது சரியில்லையா அது.. அது பிடிக்கலையா.. அடுத்தது...


தனிமனித ஒழுக்கத்துடன் இருந்து, நீங்க சொல்லும்படி இருந்தா,  ’எங்கிருந்தாலும், நல்லா இருக்கட்டும்..பாஸ்’

இந்த சமுதாயம் மாறனும். கலாச்சாரம் வளரனும்னு நினச்சீங்கனா.. ஹி..ஹி.. நான் என்னத்தை சொல்ல..

என்னமோ பண்ணுங்க சார்....


 

டிஸ்கி..

இது தாய்குலங்களுக்கு

அம்மணிகளா.. தனிமனித உரிமை, மறுமணம், living Together, உள்ளுணர்வு.....உம்.... எல்லாம் கேட்க, நல்லாத்தான் இருக்கு.

”வாழ்க்கை வாழவே.”

அதில் எந்த மறுப்பும் இல்லை. 

பெண்கள் ஜாக்கெட் போடக்கூடாது. சுடிதார் போடக்கூடாது, வேலைக்கு செல்லகூடாது.. அப்பபடீனு சொன்ன சமுதாயம், இப்ப மாறியிருக்கு.. நல்ல விசயம்தாம்.

வரவேற்கணும். 

திருமணம் செய்யாமல் சேர்ந்து வாழ்வது, அவரவர் உரிமை. அதில், என் மூக்கை, நுழைப்பது தேவையில்லாதது.

ஆனா, சக பதிவனா, என்னுடைய கருத்தை சொல்ல உரிமையுண்டு.

“வரக்கூடிய பார்ட்னர், ஒழுக்கமானவனானு பார்த்துட்டு, அப்பால, உங்க பொன்னான முடிவை எடுங்க தாயி..”. 

பத்து நிமிடம் வேலைய செய்துவிட்டு, பத்து மாதம் பணிச்சுமைய கொடுத்திட்டுப்போக ,பலபேர்.... பலபோர்வையில் சுத்திக்கிட்டு இருக்கானுக.

அப்பால.. ’வாழக்கையை, வாழ்க்கை பூரா தேடும் நிலைக்கு விட்டுட்டுப்போயிடுவாங்க’, நமது சமூக ஆர்வலர்கள்(?) ...

.

.

.