ச்சின்னப்பையன் – வா.வ*1

.

.

.

வணக்கம் சார். என்பேரு மயில்சாமி. படிச்சது 10ஆவது. சரி விடுங்க. படிக்க ஆசைப்பட்டது 10ஆவது. ஆனா இந்த பாழாப்போன படிப்புக்கும் எனக்கும், கலைஞருக்கும் , ஜெயலலிதாவுக்கும் இருக்கும் நெருக்கம். எங்கப்பன் இருக்காரே. அவருதான் சார் நான் படிக்காமபோனதுக்கு முக்கிய காரணம்.


நீங்களே சொல்லுங்க சார். காலையில எந்திரிச்சதும், பல்லு விளக்கிட்டே.. அட... எங்கப்பனை சொல்றேன் சார். பல்லு விளக்கிட்டே, எங்கம்மாவை பாத்து, "அந்த கேணப்பொ%$#ச்ச எழுப்பு. வெயில குண்டில அடிச்சாலும் 'பப்பரப்பா'-னு தூங்கரான் பாரு"னு காறீத்துப்பும். கரெக்டா அந்தநேரம்தான் சார், அஸின் எங்கிட்ட 'ஐ லவ் யூ' சொல்ல, ஓடி வந்துக்கிட்டு இருக்கும். எங்கப்பன் துப்புற சவுண்ட் கேட்டதும், அப்படியே யூ டர்ன் பண்ணிக்கிட்டு, தலைதெறிக்க திரும்பி ஓடிடும். இல்லே.. தெரியாமத்தான் கேட்கறேன். நானும் மனுசந்தானே. எனக்கும் 'ஐ லவ் யூ டூ' சொல்ல ஆசை இருக்காதா?.


ஆனா ஒண்ணு பாஸ், எல்லா அப்பனும் ராட்சனுக. 'படி..படி'னு தினமும் காலையில சுப்ரபாதம் பாடினா, எப்படி சார் படிக்க?. எங்கம்மா எங்கிட்ட வந்து, 'ராசா... எந்திரிய்யா... ஸ்கூலுக்கு டைம் ஆச்சு..... இந்தா காப்பி....'-னு எழுப்பும். அதத் தாங்காம எங்கப்பன் குதிப்பாரு பாருங்க மேலேயும் கீழேயும்.... 'ஒருகூடை சாணிய கீழே வெச்சிருந்தா, வரட்டியாயிருக்கும்'.


இப்ப ஓரளவுக்கு என்னைப்பற்றி புரிஞ்சிருக்குமுனு நினைக்கிறேன். அதேதான் சார். நீங்க நல்லவரு, அதனாலத்தான், என்னையும் நல்லவருனு நினைக்கிறீங்க. அடிச்சு புடிச்சு எழுந்து, 6 இட்லி, 2 பொங்கல், சூடா பில்டர் காபினு லைட்டா சாப்பிட்டுட்டு, பேக்கை எடுத்து 'பேக்'-ல மாட்டிக்கிட்டு, சைக்கிள எடுப்பேன் பாருங்க. சரியா சின்ராசு வந்துருவான்.


பள்ளியை நோக்கி, நீண்ட பயணம் ஆரம்பிக்கும். இப்பவும் எங்கப்பன் உறுமிக்கிட்டே இருக்கு. ஒருவேளை பைல்ஸ் இருக்குமோ என்னவோ?. எரிச்சல, எப்பப்பாரு என்கிட்டையே காட்டிக்கிட்டு இருக்கு. பைக் வாங்கிக்கொடுத்தா சொத்தா அழிஞ்சிரும்?. வெண்ணைக சார் இந்த பழைய ஜெனரேஷன், அதுக்கும் ஓட்டத்தெரியாது. ஓட்ட ரெடியா இருப்பவனையும் ஓட்டவிடாது. நானும் பெரியவனாகி, பைக் வாங்கி, அஸின பின்னாடி உக்காரவெச்சு, இதே ரோட்டுல, 80கிமீ ஸ்பிட்-ல போகப்போறேன் சார். 'நம்பிக்கைதானே வாழ்க்கை.'


சரி. சரி..'ங்கே'-னு முழிக்காம, சீக்கிரம் வாங்க. பஸ் வரும் நேரமாச்சு. ஏன்னா நான், 'பஞ்சுவாலிட்டி மெயிண்டெய்ண்' பண்ணுவதில் 'பெஸ்ட்'-னு அகிலாவும், அதுகூட ஈஞ்சலா ஒரு சப்ப பிகரு இருக்குமே. அதுவும் சொல்லியிருக்கறதா சின்ராசு சொல்லியிருக்கான். ....ம்... அதுகளுக்குத் தெரியுது. எங்கப்பனுக்கு?. தூத்தேரி.


அப்பாடா, பஸ் வந்திருச்சு. என்னைப் பார்க்காத மாறியே, ஓரக்கண்ணுல, குனிஞ்சுக்கிட்டு, என்னைய பார்க்குது பாருங்க. அதுதான் என்னோட டாவு. என்னாது? தெரியலையா.. யோவ்.. கடைசி சீட்ல செகப்பா மெல்லிசா, கையில கண்ணாடி வளையல் போட்டுக்கிட்டு, காதில ஜிமிக்கி.. ஹி.ஹி . அதேதான். அவங்கப்பன் இருக்கானே. அது ஒரு டோமரு சார். டெய்லி தண்ணிய போடவேண்டியது. சலம்ப வேண்டியது. ரோட்ல போறவரவனையெல்லாம் வம்புக்கு இழுக்கும். அப்பால எங்க மாமியார்காரி, அவரோட கழணடு விழுந்தவேட்டிய தேடிக்கிட்டு, வீதிவீதியா அழையும். அதப்பார்த்தா, எனக்கு கோவத்துல கண்ணுல சிவந்து, தண்ணியா வடியும் சார். மாமியார்காரி முன்னாடி அழக்கூடாதுனு அப்படி ஒரு வைராக்கியத்தில அடக்கீட்டு  (கோவத்தை இல்லை பாஸ். கண்ணீரை சொன்னேன் ) போயிடுவேன். அந்த கோபம், இன்னும் என்னுடைய மனத்தில் சுழண்டுக்கிட்டே இருக்கு.


சரி பஸ் போயிடுச்சு. லைட்டா சாப்பிட்டா, இதுதான் பிரச்சனை. வாங்க டீக்கடைக்கு போவோம்.

ஸ்கூல் பெல் அடிக்குதா?. அட விடுங்க.. இதெல்லாம் பழகிப்போச்சு சார். டென்ஷன் ஆவாதீங்க. ஆங். நாம எங்க விட்டோம்?. ( யோவ். சிரிக்காதீங்கய்யா. அப்படியெல்லாம் சொல்லமாட்டேன்..ஹி..ஹி ). "கோபம்".. மனுசனுக்கு எரிச்சல், பொறாமை, பொச்%$#^சரிப்பு.. எதுவேணா வரலாம் சார். கோபம் மட்டும் ஆகாதுனு எங்க கணக்கு வாத்தி, பிரம்பெடுத்து, நொங்கிக்கிட்டே சொன்னது, உஷ்... பின்னாடி வலிக்குது பாஸ். என்னா அடி.? ஒவ்வொண்ணும் ..ம்......


குயிக்.. குயிக்..எங்கப்பன் வேலைக்கு போகும் டைம் ஆச்சு.. அப்படியே, கீத்துக்கு பின்னாடி மறைஞ்ச மாறி நில்லுங்க.. இல்லாட்டி, ஸ்கூலுக்கு ஏண்டா போகலே?னு, ரோடுனு பார்க்காம, அடிக்கும்.




டிஸ்கி 1

”இந்த தொடரை எழுதும் பன்னாடை யாரு?”னு கண்டுபிடிப்பவர்களுக்கு, 1 ஏக்கர் நிலமும், நாலு பாட்டில் ஊறுகாயும் கொடுத்து, அந்தச் சப்ப பிகரப்பற்றி சொன்னமே. அவங்கப்பன் கவுன்சிலர். அதை கட்டிக்கொடுத்து, வீட்டோ மாப்பிள்ளையாக்கி, என்னும் என்னென்னமோ இருக்கு.. அடுத்த பதிவுல பாருங்க...

.

.

.