நானும் பிரபலம்தான்..

வணக்கம் சார்..எம்பேரு தங்கவேலு..    பேரக்கேட்டதும் உங்களுக்கு, காங்கிரஸ்காரன் தங்கபாலு நினைவுக்கு வந்தா நான் பொறுப்பில்லை..     நான் அன்றாடங்காச்சிங்க...ஆனா.. ஒரு நாளு நானும் பிரபலமாவேனு ஜோசியகாரன் சொல்லியிருக்கான்..

வேலை முடிஞ்சா, சரக்கடிக்கனும், இல்லாட்டி அது சாமிகுத்தமுனு நம்புறவன் நானு..
தண்ணி..குட்டினு ஷோக்கா பொழுதபோக்கிட்டு..வாரத்துக்கு ரெண்டு படம் பார்த்துருவேன்..
யாரையாவது அடிக்கனும், புடிக்கனுமுனா.. என்னைய விட்டா இந்த ஜில்லாவுல தொழில் தெரிஞ்சவன்   யாருமில்லை..ஒத்த ப்ளேடு வெச்சே..1 கி.மீட்டருக்கு கோட்ட போடுவேன்..

எப்பாவது, போஸ்டர் ஒட்டறது, சாணிஅடுக்கிறதுனு, சப்ப மேட்டருக்கு கூப்பிடுனானுக..
அடிச்சு முடிச்சா, 1 ப்ளேட் பிரியாணியும் 1 குவாட்டரும் கொடுப்பானுகோ..

அப்படியே மனுசன் ஜாலியா சுத்திகினு இருந்தப்போ,பக்கத்து வீட்டுக்கு ஒரு சப்ப பிகரு குடி வந்துச்சு..   நானும், மூஞ்சிக்கு பவுடரு..தலைக்கு எண்ண, எல்லாம் வெச்சுட்டு மடக்க பாத்தேன்..முண்ட..  கண்டுகமாட்டிங்கிறா..போடி கருவாச்சினு வேலையப் பார்க்க போயிட்டேன்..

அன்னைக்கு எங்கூர்ல தலவர் படம் ஓடுது.( அதாங்க.. வயித்துல பம்பரம் உடுவாரே..பேரு மறந்துடுச்சு.. ஆங்..)   படம் பாக்க, காச தேத்திட்டு வாடானு, கோவாலு கூப்பிட்டான்..
வீட்ல ஒரு மயிரும் இல்ல.. என்னாத்த வெச்சு காசு பாக்கிறது..என்னாடா பன்ணலாமுனு
ரோசனை பண்ணிகிடு, பீடிய வலிச்சுகினு இருந்தேன்.
பக்கத்துஊட்டுகாரி, பப்பரப்பேனு வாசல்ல தூங்கிகினு இருந்தா...
.
.
அப்புறம் சேட்டுகிட்ட சண்ட போட்டு.. அது பெரிய கதை சார்.  ( தக்காளி 300க்கு மேல ஒரு நயாபைசா குடுக்கமாட்டேனு சொல்லிட்டான்..   ஏழையோட கஷ்டம் எந்த தே...பயலும் புரியமாட்டிங்குது சார் )..  சரி..போடா மயிருனு காசை வாங்கிகினு , படத்துக்கு போயிட்டேன்..(சரசக்கா சாராயம் மாறி சுத்துபட்டில எங்கேயும் கிடைக்காது.ஊறுகாய  தொடாமா, 1 பாட்டில் அடிக்கிலாம்.)

படம் பார்த்துட்டு வெளிய வந்தா.. ’பம்பரம், தொப்புளு’, மட்டும் கண்ணுல் நிக்குதுசார்..எப்படியோ
ஒருவழியா வீட்டுக்கு போயிட்டேன்..வீட்ல ஒரே கூட்டம் ..என்னய பாத்து கருவாச்சி, ‘லபோ திபோ’னு கத்தறா..    எங்கப்பன் மீசையில், கைய வெச்சுட்டு..நான் என்னமோ கற்பழிச்சமாறி பாக்குறான்..  எனக்கு அடிச்ச சரக்கு இறங்கினமாறி ஆயிடுச்சி..வீராப்பா ஆக்ட் கொடுத்திட்டு..
வீட்டுகுள்ள போறேன்.. முதுகுல ஒரே எத்துவெச்சான் சார்.. எங்கப்பன்..
அதுவும் சப்பச்சிக்கு முன்னாடி.. எப்படியிருக்கும் எனக்கு.. திரும்பி ஒரே குத்....
.
.
6 வருஷம் கழிச்சுதான் வெளிய உட்டானுக..வீட்டுக்கு போனா.. எங்கம்மா..
மூக்க சீந்திகினே, ஒப்பாரி பாடுது..வந்துச்சு சார்.. கோவம்.. திரும்பவும் எத்து..
ஆனா மெதுவாதான் சார்.. எவன் திரும்பி 6 வருசம் கழி துண்றது..

சரி.. இங்கன இருந்தா..அப்பன்காரன் பேயா சுத்தற மாறி கனவு வந்துகினேயிருக்கு..
போயி அய்யமாரை பாத்து பரிகாரம் கேக்கலாமுனு போனா..நல்ல செகப்பியா ஒரு பிகரு சார்..
மூக்கில கைய வச்சா.. மாரு வரைக்கும் வழுக்கிட்டு வரும்போல..என்னப்பாத்து சிரிச்சது.
அப்ப ஒரு வயசான் கிழபோல்டு குச்சிய ஊனிக்கினு வந்து, ‘ எண்டா அம்பி..எங்காத்துல இருக்குற மாதாவுக்கு’..ஏன்னவோ சொன்னானே..     ஆங்..மேரி மாதாவோ..இல்ல..இல்ல.. வேற என்னமோ மாதாவ பாத்துக்க..மூனுவேளை சோறு போடரேனு ஆப்பர் லெட்டரு

கொடுத்துச்சு..சரி.. கனவுக்கன்னிக்காக.. மாட்டு சாணி வளிக்கிறது தப்பில்லனு இங்கனவே.. அதாங்க அக்ரகாரத்தில தங்கிட்டேன்..   எவனோ ஒருத்தன் எம்மேல பரிதாபப்பட்டு,  ரேசன் கார்டவே வேற வாங்கி கொடுத்துட்டா னுக..      ஒரு 6 மாசம் ரூட் உட்டு பாத்தேன்..ஒண்ணும் வேலைக்காகல..அது கண்ணாலம் பண்ணிகினு பறந்து பூடிச்சு சார்..

நானு தேவதாசு மாறி , தாடி வளத்துகினு..தன்ணிய போட்டுகினு ஊருக்குள்ல சுத்திகினு இருந்தேன்..      எங்கம்மாகாரிக்கு பொறுக்கல...ஒரு சண்டக்காரிய புடிச்சு கட்டி வெச்சுட்டா சார்..
அவங்கப்பன் ரவுடியாம.. அது தெரியாம.. வகைக்கு போயி கால வெச்சுட்டேன்..
அது ஒரு மூதேவி சார்..புருசன்காரனாச்சேனு ஒரு மட்டு மரியாதி வேணாம்..
டெய்லி வீட்டுக்கு போன அடிதடி சார்.. என்ன மனுச ஜென்மாமோனு நீங்களே கேக்க்றீங்க பாத்தீங்களா?

உடம்பு வளிக்குதே..போயி மருந்து தண்ணிய குடிச்சுட்டு வந்தா.. அதுக்கும் உதைக்கிறா சார்..
இதுல வேற, என்னமோ 33% வேனுமுனு கொஞ்சப்பேரு சொல்லிகினு இருக்கானுகோ..

கொஞ்ச வருசமா அப்படியே பல்ல கடிச்சுட்டு ஓட்டிகினு இருக்கேன்.. வயசு வேற ஆயிடுச்சா.ஆனா வாலிபம் முறுக்காயிருக்கு..      உடுவனா..பக்கத்தூட்டு காரிக்கு நூலு உட்டு பாத்தேன்..தக்காளி அவ மாட்ட மாட்டிங்கிறா சார்..   ஆனா, விதி மாட்டிகிச்சு.. எம் பொண்டாட்டி பாத்துட்டா..திருப்பவும் அடிதடி..

உடம்பு வலி வேற.. தண்ணி காச்சி குளிச்சா.. உடம்பு வலி போயிடுமேனு.. தன்ணிய காச்ச சொன்னேன்..     காச்றா.. காச்றா. ஒரு மணி நேரமா,  விறக வெச்சுகினு..ங்கோய்யா.. கோபம வந்திடுச்சு..  

”ஏய் ஓடுகாலி ...இந்த மண்ணென எடுத்து ஊத்துடி”னு, Bottle-ல ஒரு எத்து சார்..
வயசாயிடுச்சு..குறி தவறி எண்ணெய் எம்மேல படவும், நான் அடுப்புகிட்ட விழவும்...”அய்யோ...அம்ம்ம்ம்மா.....”னு நான்

கத்திகிட்டே.....
.
.
 
-------------------------------------------------------------------------------------------------------------------------------

செய்தி...
தீக்குளித்த தொண்டரைப் பார்க்க ஜெயலலிதா இன்று ஈரோடு பயணம்

சென்னை, மார்ச் 31: பென்னாகரம் இடைத்தேர்தலில் அ.தி.மு.க.வுக்கு ஏற்பட்ட தோல்வியால் தீக்குளித்த அக்கட்சித் தொண்டரைப்  பார்ப்பதற்காக, கட்சிப் பொதுச் செயலாளர் ஜெயலலிதா வியாழக்கிழமை ஈரோடு செல்கிறார்.   ஈரோடு, பி.பி. அக்ரஹாரம், 18}வது வார்டில் வசிக்கும் அ.தி.மு.க. தொண்டர் தங்கவேல் (55). இவர், பென்னாகரம் சட்டப்பேரவை  தொகுதி இடைத்தேர்தலில் அ.தி.மு.க.வுக்கு ஏற்பட்ட தோல்வியை அடுத்து, செவ்வாய்க்கிழமை உடலில் மண்ணெண்ணெய் ஊற்றி தீ வைத்துக் கொண்டார். இதனால் பலத்த காயமடைந்த தங்கவேல், இப்போது ஈரோடு அரசு மருத்துவமனையில் அனுமதிக்கப்பட்டுள்ளார்.

இந்நிலையில் தீக்குளித்த கட்சித் தொண்டர் தங்கவேலை சந்தித்து, அவரது உடல் நலம் குறித்து விசாரிப்பதற்காக அ.தி.மு.க. பொதுச் செயலாளர் ஜெயலலிதா வியாழக்கிழமை ஈரோடு செல்கிறார்.  இதற்காக சென்னையிலிருந்து வியாழக்கிழமை காலை தனி விமானம் மூலம் புறப்படும் ஜெயலலிதா, சேலம் சென்றடைகிறார். அங்கிருந்து கார்  மூலம் ஈரோடு சென்று தங்கவேலை சந்திக்கிறார்.   பின்னர் சேலம் திரும்பும் ஜெயலலிதா, அங்கிருந்து மாலையில் விமானத்தில் புறப்பட்டு, சென்னை திரும்புகிறார் என்று அ.தி.மு.க. வட்டாரங்கள் தெரிவிக்கின்றன.
.
.
.