அய்யோ..கொல்றாங்களே..

தானத்தலைவர்..தன்மானச்சிங்கம்..தமிழர் காவலர்...அய்யா கலைஞருக்கு, காலை வணக்கத்தை போட்டுக்கொள்றதில பெருமைகொள்கிறேன்.    அப்படி இப்படினு, செம்மொழி மாநாட்டை ஆரம்பிச்சு, கோவைய கலக்கு கலக்குனு கலக்கிப்புட்டீங்க.     நேத்து, சன்டீவிய போட்டுக்கிட்டு சோபால,  குத்த வெச்சு உக்காந்தவன்தான், என் ரூம்மேட் செல்போன்ல, மலர்வளையம் ஆர்டர் கொடுத்த சத்ததிலதான நிகழ்காலத்துக்கு வந்தேனா,  பார்த்துக்கோங்களேன்.

என்னோட வாழ்நாள்ல இதுமாறி ஒரு நிகழ்சியை பார்த்ததேயில்லைனு, காரமடை கோயில் உண்டக்கட்டி மேல, சத்தியம் பண்ணுவேன் தல.     அப்பப்பா...என்னா கூட்டம்?..என்னா ஜனம்?. கடலலையும் தோத்துப்போகும்.   

லட்சுமி மில்ல ஆரம்பிச்ச ஊர்வலம், ஊர்ந்து..ஊர்ந்து கொடீசியா போகும்வரை.. ஆகா..பேஸ்..பேஸ்..   வண்டிகளின் அணிவகுப்பு, பாரம்பரிய 
உடைகள், தமிழனின் வீரவிளையாட்டுக்கள், தாரை தப்பட்டை, ஒயிலாட்டம், கரகாட்டம், மயிலாட்டம்..  இந்த ஜென்மத்துக்கு  போதும் போதும்னு சொல்ற அளவுக்கு வாரி வழங்கிட்டீங்க...

ஆமா தல.  இந்த ஊர்வலத்தில ஒரு பெரியவரு சிலை , இடுப்ப வளைச்சிக்கிட்டு சிம்ரன் மாறியே நிக்கவெச்சிருந்தாங்களே. அதுவும், அப்புறம்  பின்னாடி வந்த வண்டில,  ”ஆத்திச்சூடி, அறம் செய்ய விரும்பு”-னு எழுதி, கையில ஆணி வெச்சிக்கிட்டு இருந்த பாட்டியும் கடைசிவரைக்கும்  யாருனு சொல்லாமா விட்டுட்டாங்க இந்த டீவிக்காரனுக.

சரி. கூடவேலை செய்யும் ஒரு பன்னாடை, காலேஸ் வரைக்கும் படிச்சவன். அவனைக்கேட்டா, சந்தேகத்தை நிவர்த்தி செய்வானு நினச்சு  தொடர்புகொண்டா, என்னமோ சிங்கைத்தமிழல ’ங்கொய்யா..ங்கொம்மா’-னு சொல்லீட்டு போனை கட் பண்ணிட்டான்.    மரியாதை தெரியாத பய.  எப்பம்போல மூடிக்கிட்டு கரகாட்டகாரிக ஆட்டத்தை ரசிக்க ஆரம்பிச்சேன். என்னா டான்ஸ்? என்னா டைமிங்?..சான்ஸே இல்ல தல. 
( அடுத்த முறை ஊருக்கு வரும்போது, கட்சி ஆபிஸ்ல இருக்குற கலைஞர் டீவி எடுத்து கொடுக்கப்போறேன்.. எத்தனை கொலை விழுந்தாலும் சரி. )

ஆங்..என்னத்தவோ சொல்லவந்துட்டு, வேற ஏதோ பேசிக்கிட்டு இருக்கேன். கோயமுத்தூர் கட்சிக்காரனுக ஒழுக்கமயிரா  வேலைபாக்கமாட்டீங்கிறானுக.  ஊட்டுக்காரம்மாகள், மகன், மகள் , மருமகன், மருமகள்னு தமிழ வளர்க்க பாடுபட்ட, எல்லோரும் சேர்  போட்டானுகளே..ஆனா கட்சிக்கு புதுவரவான, வாண்டுகளுக்கு சேர் போட்டானுகளா?..பொறந்த குழந்தையினாலும், ஒரு மரியாதை வேண்டாம்?

கட்சிக்காக குடும்பத்தைகூட பார்க்க நேரமில்லாம அலையிறீங்க. ஒரு வேளை அவசரத்தில, சென்னையில உட்டுட்டு வந்திட்டீங்களா?. அப்படீனா  சொல்லுங்க..அடுத்த ப்ளைட்ல அவங்களை கோவைக்கு கூட்டிக்கிட்டு வரோம்..ஸ்டேஸ்ல ஊஞ்சல் கட்டியாவது, இதே ஊர்வலத்தை
இன்னொருமுறை நடத்திக்காட்டுறோம்..  நமக்கு சரித்திரம் முக்கியம் தல.. நாளபின்ன, பையனுக வளர்ந்தபிறகு கேள்வி வரக்கூடாது பாருங்க..  அதுக்காகத்தான்..  பணம் என்ன பெரிய பணம்?..  இந்த 400 கோடிகூட, இன்னொரு 100 கோடி செலவாயிட்டுப்போகுது. ( எல்லாம்  ராசா பார்த்துக்குவாரு..)

பிரதீபா படேல், மன்மோகன்சிங்கை, நம்ம ஏரியாவுக்கு வரவெச்ச பெருமை கழகத்தையே சேரும்..    ஆமா தல..   இந்த சிங் என்னமோ, ’கவர்னர்’-னு,  சின்ராசு சொல்றான்.    தாடி வெச்சு, குல்லா வெச்சிருந்தா, அது மன்மோகன்சிங்னு தெரியாதா எங்களுக்கு?.   என்ன அவ்வளவு மடப்பயலா நாங்க?. ஒருவேளை சின்ராசுக்கு, மாநாட்டப்பார்த்து, பின்னாடி எரியுதுனு நினைக்கிறேன்..

இந்த இனிமையான நேரத்தில, நம்ம நித்தியானந்தாவுக்கு பதில் மரியாதை செலுத்த, கழகம் கடமைப்பட்டுள்ளது..   செம்மொழி மாநாடு நல்லா நடக்க, அவரச்சுற்றி குழி தோண்டி, அதுல தீ வெச்சுக்கிட்டு யாகம் பண்ணினாறாம் நம்ம சாமி...   இதை நான் சொல்லலே..ஊர் சொல்லுது.. 


அவரு மட்டும் யாகம் நடத்தாம இருந்திருந்தால்..யப்பா....நினைச்சு பார்க்கவே பயமாயிருக்கு..என்னவா?   ஒயிலாட்டத்தை பார்த்து, ஒய்யாரசுந்தரி, பழைய நினைப்புல, “கொட்ட பாக்கும், கொழுந்து வெத்தலையும் போட்டா..”-னு, ஸ்டேஸ்ல ஆடியிருந்தா..   அந்தோ...        மாநாடு கதி?.     அதை தடுத்த பெருமை நித்தியவே சாரும்.    மாநாடு முடிஞ்சதும், நித்திக்கு ஏதாவது பண்ணனும் தல..    பயபுள்ள பயந்துபோயிருக்கு...

(கழக சார்பா, அதையும் சொல்லீட்டேன்..இனி மேல தீர்த்தம் , கையிலதாம் கொடுக்கனும்..வாயில கொடுத்தா, சட்டம்..... மீண்டும் பாயுமுனு(?)..   
சரினு சொல்லியிருக்காரு..பார்ப்போம்..)


டிஸ்கி..
தலைப்புக்கும் பதிவுக்கும் சம்பந்தமே இல்லையினு யோசனை பண்றவங்களுக்கு..

தமிழில் முதல் எழுத்து “அ”.. பதிவின் முதல் எழுத்து (?).. ஹி..ஹி..

(துப்பனுமுனு நினைக்கிறவங்க, தயவு செய்து  நண்பர்களான  “ரெமியையும், மார்ட்டீனையும்” துப்புங்க..எல்லாத்துக்க்கும் காரணம் அவனுகதான்..)

.
.
.