அண்டா..குண்டா அடகு வெச்சு...?

பட்டாபட்டி சார்..சமீபத்தில் மத்திய அரசு , இரவு நேரங்களில் ஏற்படும் விபத்தை தடுக்கும் வகையில், சைக்கிள்களின் நிறம் ஆரஞ்சு வண்ணத்துக்கு மாற்ற முடிவு செய்துள்ளதாக எங்கள் ஊர் வெட்டியான் கூறுகிறார்..  அது உண்மையா?..    அது உண்மையாக இருக்கும்பட்சத்தில, என்னுடைய சைக்கிளை, சொந்தகாசில் பெயிண்ட் அடிக்கவேண்டுமா?.. அல்லது மத்திய அரசே அதற்கு உதவுமா?
ராமேஸ்..கெட்டவன்..

==================================

ஆமாய்யா.. இது நிசம்தான்..மத்திய அரசு என்ன சொல்லுதுனா..

• ஏழைகளின் வாகனமாம் சைக்கிள்

• இன்றளவும் கிராமங்களில் பெருமளவு பயன்பாட்டில் உள்ளதாம்.

• பெட்ரோல்-டீசல் விலையைச் சமாளிக்க சைக்கிள் போக்குவரத்து உதவுமாம்

• உடல் பருமனாக இருப்பவர்களுக்கு சைக்கிள் பயிற்சி அவசியமாம்

இவ்வளவு “மாம்” இருக்கும் சைக்கிளினால்..  இந்திய பொருளாதாரம் எங்கோ போய்விடுமாம்..    இது நான் சொல்லலே..மத்திய அரசு சொல்லுது...

இந்தியா ஏழை நாடுப்பா.  .பாவம்.. சமீபத்தில வந்த போபால் தீர்ப்பு கூட,  ஏழை மக்களின் கஷ்டத்தை புரிந்துகொண்டு. மத்திய அரசின் வழிகாட்டுதலால் வந்த தீர்ப்புதான்..  அவ்வளவு பணமுடை..   இதுல வேற, வேட்டிகட்டிய தமிழனுக, டெல்லில உட்கார்ந்துகொண்டு  ஏதோ அவர்களால் முடிந்ததை சம்பாரிக்கிறார்கள்..

ஒரு இ(அ)ந்தியகுடிமகனா, நீயும் நாட்டுக்கு ஏதாவது செய்யுப்பா.. சைக்கிளுக்கு பெயிண்ட் அடிக்க, மத்திய அரசு நிதி ஒதுக்கும்..அதை சிலபேரு ஒதுக்கிடுவானுக..  அதை பார்த்து..”ங்கொய்யா..ங்கொம்மா”னு எரிச்சலாகாமா..  உன்னால் முடிந்தளவுக்கு மத்திய அரசுக்கு உதவனும்..  அது ஒவ்வொரு இந்தியனின் கடமையாகும்... 

மேலும்..ராகுலுக்கு 40 வயசு ஆயிடுச்சாம்.....வெளி உலகம் தெரியாம பொத்தி பொத்தி வளர்த்துட்டானுக.  பாவம்.. இப்பத்தான் வெளி உலகம் பார்க்க, ரயில் ரயிலா ஏறி இறங்கிட்டு இருக்கார்..  எப்படியோ கடைசி சொட்டு முடியறதுக்குள்ள, அடுத்த வாரிசு வரனுமேனு..எனக்கு பயமாயிருக்கு.

அப்புறம்..மறக்காம அடுத்த எலெக்‌ஷன்ல, அவங்களுக்கு உன்னோட பொன்னான ஓட்டை குத்தி வாழவையப்பா..   நீங்க உங்க கடமைய தவறாது செஞ்சா..பெட்ரோல், டீசல் விலையெல்லாம் குறைந்துபோகும்.. அப்புறம் நாடு ஓகோனு எங்கோ போயிடும்..    நீயும் நானும் டீ குடிக்க, 5 கிமீ சைக்கிள போகலாம்...     நம்பிக்கையா...

நான் இப்ப சொல்வதை உன்னோட டைரில குறிச்சு வெச்சுக்கோ..  நாடு போறபோக்கை பார்க்காம நீயும், நானும் கண்ணு மூடப்போறதில்லை..
அன்னை,  ”இந்தியாவை தூக்கி நிறுத்தாம , இத்தாலி  போகமாட்டாங்க..  ”

உனக்காகவும் எனக்காவும் கஷ்டப்பட எவ்வளவுபேரு இருக்காங்கனு நினைச்சு  பெருமைப்படாம..  பெயிண்ட அடிக்க காசு தருவானுகளா?னு கேட்டுக்கிட்டு இருக்கே...

அதுவுமில்லாம, நம்ம தலைவர் பழுத்தபழமய்யா..  அவருக்கே முன்னமே தெரியும்போல.. அதுதான் பட்டியும் சாப்பிடாத ரேஷன் அரிசிய ஏழைக்கு கொடுக்கிறாரு..   இப்பவே அதை சாப்பிட்டு பழகிக்க..    இல்ல..  பின்னாடி கஷ்டமாயிடும்..

என்னதான் நாம ஏழையா இருந்தாலும், விருந்தோம்பலில் நம்ம அடிச்சுக்க ஆளே இல்லை..     இவ்வளவு கஷ்டத்திலும்,எவ்வளவோ கோடி+ஆயுதம் கொடுத்து ராஜபட்ஷேக்கு உதவி பண்றாங்க பாரு ..  அதை பண்றதுக்கு காங்கிரஸ்காரனை தவிர யாருக்கும் மனசு வராதய்யா..

அதனால்..மத்திய அரசு சொன்னபடி..  வீட்ல இருக்கும் அண்டா குண்டாவ அடகு வெச்சாவது சைக்கிளுக்கு கலர் மாத்திக்க..இல்லாட்டி வருங்கால சந்ததி உன்னைய மன்னிக்காது..சொல்லீட்டேன்..

.

.

.

டிஸ்கி..வருங்கால பிரதமருக்கு ,  “கேக்”  ஊட்டாத நாதாரிகளை,   பட்டாபட்டியின் சார்பாக வன்மையாக கண்டிக்கிறோம்..  

( படம் உதவி : யூர்கன்  )

.

.

.