ப்ளீஸ்..விட்டுவிடுங்களேன் பயலை...

வணக்கம்.. பதிவுலகத்தோழர்களே..சுதந்திரப்பறவையாக சுற்றித்திரிந்த நான், உங்கள் முன் என்  இரு  கைகளையும் பிணைத்தபடி உதவி கேட்கவந்துள்ளேன்.. ஏன்?.. என்னாவாகிவிட்டது? என நெஞ்சம்  பதைக்க, நீங்கள் வினவுவது என் காதில் விழுகிறது..

இதோ விளக்கமாக் கூறுகிறேன்..
அய்யா.. போன வாரம்.கடும் வெயில்..கடையில் குளிர்பானம் அருந்தியபடி, ’நாட்டை  முன்னேற்ற, நாற்பது வழிகள்’ என்ற தலைப்புக்காக,  மூளையை(?)  கசக்கிக்கொண்டிருந்தேன்..அப்போது, பெயர் தெரியாத இளைஞர், எனனருகில் வந்து  பேச்சுக்கொடுத்தார்....


பாவம்.. கசங்கிய உடை..கலைந்த தலை.. வாழ்க்கையில் ரொம்ப நொந்துபோன
தோற்றம்..’என்னப்பா ஆச்சு?.. ஏன் இப்படியிருக்கிறாய்?’  ஏன என கேட்டபோது, அவரது நொந்த வாழ்க்கையை 1 மணி நேரமாகச்சொன்னார்..இதை உங்களிடம் சொல்லி, உங்களையும் நோக வைக்க, என் மனம் விரும்பாததால், அடுத்து நடந்ததை உங்களுக்கு சொல்கிறேன்..

பாவம்..அவர் எதோ Vaccum Cleaner விற்கும் கம்பெனியில் வேலை பார்க்கிறாராம்..அவரது  உயரதிகாரி, மாதம் 1 லட்சத்துக்கு ஆர்டர் கிடைக்கவில்லையென்றால், வேலையை விட்டு  தூக்கிவிடுவேன் என கத்துவதாக, கலங்கிய கண்களுடன் சொன்னான்..மேலும் பேசியதில், அவருக்கு, பகலில் 6 பாஷைகளும், இரவில் 7 பாஷைகளும், பேசும் திறமை கொண்டவர் என்பதை அறிந்துகொண்டேன்...

கலங்கிய கண்களை பார்த்தால், எனக்கும் கலங்கிவிடும்(?) என்பதை இந்த உலகம் அறிந்ததல்லவா?.. எனவே அதைப்பற்றி இங்கு மேலும் விளக்கிச்சொல்ல விரும்பவில்லை..    தோண்டித்துருவி கேட்டபின், அவருடைய பிரச்சனை, ’ஏட்டு சுரைக்காய்’ என்று புரிந்துவிட்டது..
ஒரு பொருளை எப்படி விற்பது என சரியாகத்தெரியாததால், அவரால், சரிவர விற்பனை செய்யமுடியவில்லை சார்.


அதாவது, ஒவ்வொரு வீட்டுக்கும் போவாராம்.. எங்க கம்பெனி ப்ராடெக்ட் வாங்கினா,
விலை மிகவும் குறைவு,
1 வருடம் உத்தரவாதம்,
ரிப்பேரானால்,சரிசெய்ய வீடு தேடி ஆள் வரும்னு சொல்வாராம்..

இப்படி சொன்னா, யாரு சார் வாங்குவாங்க?..அவருடைய உயரதிகாரி திட்டாம என்ன செய்வான்?
அதனால், என் அறிவுக்கு தோன்றிய வழிகளை சொல்லிக்கொடுத்தேன்..

ப்ராடெக்ட் + ’தண்ணீர் கலந்த மாட்டு சாணிய’ எடுத்துட்டு போ..
கதவத்தட்டு..
திறந்ததும், எதுவும் பேசாம, சாணிய வீட்டுக்குள்ள கொட்டு..
கோபப்படுவாங்க...
தொடச்சு போட்டுட்டு ( திட்டினத ) , வீறாப்பா..( இது ரொம்ப முக்கியம்..), ’இன்னும் ஒரு மணி நேரத்தில எங்க ப்ராடெக்ட் கொண்டு சுத்தம் பண்ணலேனா, நான் கொட்டினதை , நானே திங்கிறேனு சொல்லு’..


வேற வழி.. வீட்டுக்குள்ள விடுவாங்க.. உன் தொழில் திறமைய காட்டு..
விற்பனையாகுதா இல்லையானு போன் பண்ணு..

பார்த்தீங்களா?..  யார் சார் இப்படி அன்பா,நல்ல ஐடியாவை சொல்லிக்கொடுப்பாங்க?..

சரி.. நல்ல ஐடியாதான். இப்ப எதுக்கு சென்னை பதிவர்களை உதவிக்கு அழைக்கிறாய் என கேட்கிறீர்களா?...எனக்கு உதவ, அவர்களால் மட்டும்தான் முடியும் சாரே...

ஐடியா சொன்னப்ப, ஆற்காட்டாரை மறந்துவிட்டேன்..
இவன் வீறாப்பா(?) சாணிய திங்கிறேனு சொல்ல, ஆற்காட்டார், பல்பு கொடுத்திட்டார்னா?..

பாவம், பயபுள்ள எப்படி சார் ராவா சாப்பிடுவான்?.. அதனாலே கொஞ்சம் ’ருசி ஊறுகாய’ வாங்கி வீட்ல வெச்சு , கரெண்ட் போயிருந்தா அவனுக்கு கொடுங்க பாஸ்..

அடையாளமா?
ரெண்டு பெல்ட் போட்டுக்கிட்டு ,கழுத்துல டை கட்டிக்கிட்டு, கொஞ்சம் ஸ்மார்ட்டா இருப்பான் சார்..
.
.
.