கேளுங்கள்.. சொல்லப்படும்..

.
.
.
வணக்கம்ண்ணே. தேர்தல் சூடு பிடிச்சாலும் பிடிச்சது, என்னால் தெருவில்  நிம்மதியா நடக்ககூட முடியலண்ணே.     டீ குடிக்கபோனாலும் கூடவே வரானுக.       முகம் மழிக்க, பார்பர் ஷாப் போனாலும் தொல்லை.   சரி.. வேணாம்.     சினிமாவுக்கு போகலாம்னு போனா.. அங்கேயும் வந்துடரானுக.!

அன்னைக்கு எங்க வீட்டு டாய்லெட்-ல உக்காந்து கக்கா போய்கிட்டு  இருந்தண்ணே.   அங்கயும் வந்து கதவ தட்டுரானுக.    எவண்டானு அவசரமா வெளிய வந்தா...........    என்னொட கைய பிடிச்சுக்கிட்டு  ”எனக்கு ஓட்டு போடு. உனக்கு இதை தரேன். ஊட்டுக்காரம்மாக்கு அதைத்தரேன். உன்னோட  குழந்தைக்கு கம்யூட்டர் தரேன்”னு   உருகரானுக கூட்டமா.
யோவ்.. ’முதல்ல என்னோட, கைய திருப்பி தாங்கடா. கழுவனும்’னு  கத்தறேன்.. கதறரேன்.    ஊகூம்..   எவன் காதிலையும் விழவேமாட்டீங்குது..

பாருங்களேன்.. அன்னைக்கு இப்படித்தான்.  மூக்கு அடைச்சிருச்சுனு, சீந்த கைய கொண்டுபோனேன். ரெண்டு பேர் ஓடி வந்தானுக. வந்ததும், ”நாங்க உனக்கு   இலவசமா சீந்திவிடரோம்னு” நிற்கானுக.   அதைப்பார்த்துட்டு, அடுத்த குரூப். அதுல பெண்கள் வேற!!.  ஏதோ மகளிரணியாம்!!!  அவனுக வந்து..  ”எதிர்கட்சிக்காரனை நம்பாதே.. நாங்க சீந்திவிட்டு, நகத்தையும் இலவசமா வெட்டிவிடுவோம்”னு அலம்பரானுக.  

ஆங்.. சொல்லமறந்துட்டேனே. சிலவருசத்துக்கு முன்னாடி, எங்க அப்பன், ஜெயலலிதா அம்மாவுக்காக, நாக்கை வெட்டி, கோயில் உண்டியல்ல போட்டவரு..    எங்கே பார்த்தாலும் வாரிசு அரசியல் வேற.    ஏதாவது ஆர்வக்கோளாரு-ல,   எங்கப்பன் வாரிசா , என்னைய அறிவிச்சுட்டு,  ’வேறஎதையாவது வெட்டிட்டானுகனா’?.       அதனாலே... ஒரே ஓட்டமா வீட்டுக்குள்ள ஓடிப்போயிட்டேன்.

சரி அதை விடுண்ணே..  இப்ப நேரா பிரச்சனைக்கு வரேன். பதிவுலக மூத்தவர், ’என்னிய கேள்வி கேளு..பதில் சொல்றேன்’னு போட்டிருந்தாரே ஒரு விளம்பரம்.        அதை நம்பி, ஒரு கேள்வி கேட்டுத்தொலச்சிட்டேன். ங்கொய்யா... அனுப்புனாரு பாருங்க பதிலை.. ஆடிப்போயிட்டேன்.
 
என்னமோ ஒரு கேள்விக்கு ரூ 100, மணியார்டர் அனுப்பனுமாம்.  அதுவுமில்லாம, என்னோட ஜாதகம், சாதி.. ஆங்.. வீட்டுக்காரியோட குலம் கோத்திரம்  இதெல்லாம் சொன்னா,  10% தள்ளுபடி செய்வாராம்.   நமக்கு இதெல்லாம் சரிப்பட்டு வராதுண்ணே.   அதான் நேரா இங்க வந்துட்டேன்.
அதுவுமில்லாம , என்னொட மாமன் முதல்வர் வீட்டுல,  கார் டிரைவரா இருக்கேன்.    கூட்டிக்கிட்டு வருவது.. கொண்டுபோய் விடுவது..   நல்ல பணப்புழக்கம்.

இப்ப என்னோட பிரச்சனை இதுதான்ணே.   ஒத்தைப்பையனை, தவமிருந்து பெத்தோம்.    ஆனா பாவிப்பய.. 15 வயசுதான் ஆச்சு.. இப்பவே பீடி, குடி கூத்தி-னு சுத்திக்கிட்டு   இருக்கான். படிப்போ சுத்தம்!!.  என்ன பண்ணினா, அவனோட வாழ்க்கை பிரகாசிக்கும்?.     நல்ல பதிலை சொல்லி, என்னோட வாழ்க்கையில விளக்கை ஏத்திவையுங்கண்ணே..   ப்ளீஸ் (ஹி..ஹி நானும் அந்த காலத்து அஞ்சாம் வகுப்பு. கனிமொழியக்கா   மாறியே இங்கிலீசு பேசவரும்..)

அன்புடன் ஜெய்சிங்கம்

==================================

வாய்யா ஜெய்ஜங்ங்ங்கம்...
அரசியல் ஒரு ’சாக்கடை தேசம்’. அதை ’பூக்கடை தேசமா’க்க, யாராலும்  முடியாது.    ஆனால், அதில் நீந்தி, கரை சேர்வது எப்படினு வேணா  சொல்லித்தரேன்.   ஆமா..அந்த பதிவர்கிட்ட கேள்விகேட்கனுமுனா, நீ அவாளா இல்லை இருக்கனும். சரி விடு.. பதிவரசியல் நமக்கெதற்கு..?

மேட்டருக்கு வரேன்.

• ’எங்கே தவமிருந்து’ உம் பிள்ளைய பெத்தேனு சொல்லவேயில்லை. அது முதல் தப்பு.

• அஞ்சாம்வகுப்புவரை படிச்சிருக்கேனு பெருமையா சொன்னபாரு.. அது அடுத்த தப்பு.

• அவனுக வேற எதையாவது வெட்டிடுவானுகனு ஓடின பாரு.. அது மூணாவது தப்பு.

• கடைசியா, என்னைய பெரியமனுஷன்னு நினச்சு வந்து கேட்டிருக்க பாரு கேள்வி?.. தக்காளி.. அது உலகமகா தப்புய்யா..

சரி.விடு..  ஈரை பேனாக்கி, பேனை பெருமாளாக்கி..மேல..மேல..எப்படி ஏறுவது-னு பார்ப்போம்..    பள்ளிவாழ்க்கையையே எடுத்துக்கோ.( பெண்புர்ர்ரசியாளர்கள் தயைகூர்ந்து ’பள்ளியறை’ என நினக்கவேண்டாம்.  ’இஸ்கூலு’.. அதைதான் குறிப்பிட்டேன்.)

நன்குபடித்து முதலிடம் வருபவர்கள், ’இஞ்சினியரு, டாக்டர்’னு செட்டில் ஆயிடுவானுக. ஓகேயா..

இரண்டாமிடத்தில் வருபவர்கள், ’கட்டடவேலை, மில்லுவேலை, சிலபேரு வீட்டுக்காரரா’, லைப்-ல  செட்டில் ஆயிடுவானுக..

என்னதான் படிச்சு பெரிய பதவியில் இருந்தாலும், முதலிடம் வந்தவர்களை... ’வீடோ, இல்லை மில்லையோ’ கட்டச்சொல்லுங்க பார்க்கலாம்.. முடியாது மச்சி.. இரண்டாம் இடத்துக்காரனுககிட்ட, கையகட்டி, வாயப்பொத்தி நின்னாத்தான் வேலை நடக்கும். இப்ப இதுல யாரு பெரியவனுக? ரோசனை பன்ணு..

அடுத்து..மூன்றாம் இடத்தில் வரும் மூதேவிகள்.. இவனுக பலே மூள(ல)க்காரனுக. எப்படியோ வட்டம், மாவட்டம் , தேசிய அரசியல்னு பூந்து.. மேல சொன்னேன் பாரு ரெண்டு கோஷ்டி.. அவனுகளையே அடிமைப்படுத்தி.. பார்க்குற இடத்தில் எல்லாம்.. கைய கட்டி கும்ம்பிட வெச்சுருவானுக..

சரி.. இதெல்லாம் பள்ளிப்படிப்பை முடிச்சவனுகளுக்கு..     இப்ப, உன்னோட பையன்மாறி.. பள்ளீக்கூடமே போகாம.. சுத்திக்கிட்டு இருக்கானுகபாரு..
எப்படியும், நீ வளர்த்த லட்சணத்தில..அவன் எங்கேயோ(?)  போகப்போறான். !!!
வேலை வெட்டி கிடைக்காது. இப்பவே குடி.. .சீக்கிரம் ’தாதா’ ஆகிடுவான். அப்பால.. இந்த அரசியல் நாதாரிக..இவனுகளை பார்த்து..... ’முன்னாடி பின்னாடி பொத்திக்கிட்டு நிப்பானுக’.. 

அப்ப மட்டும் ஒரு சிச்சுவேஷன் சாங்கை மறந்துடாதே...
”மாபெரும் சபையினில் நீ நடந்தால் உனக்கு மாலைகள் விழவேண்டும்”

அப்பன் நாக்கை அறுத்து..உண்டியல்ல போட்டானாம்!!. அதை பெருமையா வேற நினச்சுக்கிட்டு வந்து கேள்வி கேக்குற பாரு.. உனனைய.....%$$#@

போய்யா.. போ.. புள்ளக்குட்டிகளை வெளிநாடு அனுப்பிச்சு வை.. அவனுகளாவது உருப்படுட்டும்...