எந்திரன் - பட்டாபட்டியின் பார்வையில்

’
‘
‘

டைரக்டர் ஷங்கர் அவர்களுக்கு, அன்பான, அடக்கமான, பண்பான, பன்னாடை(?), பட்டாபட்டி  எழுதும் கடுதாசி. சன் டீவியின் கொடுமையும், சக நண்பர்களின் துக்க விசாரணயையும் தாண்டி,  எந்திரனை பார்க்கவைத்த பெருமை, அண்ணன் கலாநிதிமாறனையே சேரட்டும்.

இன்னும் ஒரு வாரத்தில, இந்த படத்தை பார்க்காமல்  இருந்தால், தெய்வகுற்றமாகி, அலகு குத்தி,  கையில் தீச்சட்டி ஏந்தி வீதி வீதியாக சுற்றும் நிலைக்கு ஆளாக்கியிருப்பார்கள். எப்படியோ, என்னை தப்பிக்க  வைத்த, எங்கள் அன்னை சோனியா வாள்க....சாரிங்க... வாழ்க...  ( இனிமேல அரசியல் பேசினா, சாணி கொண்டு எறியலாம் என்று தாழ்மையுடன்  கூறிக்கொள்கிறேன்..)

எந்திரன் தமிழ் படமா?....................  சொல்லலாம்
ஆங்கிலப்படமா ?............................  இருக்கலாம்
சயின்டிபிக் படமா?.........................  அப்படியும் வைத்துக்கொள்ளலாம்
சென்டிமெண்ட் படம்?....................  ஹி..ஹி.. இருக்கலாம்
எல்லோரும் பார்க்கவேண்டிய படமா?......  ஆமாய்யா..ஆமாம்
ஐஸ் அழகா?......................................  அப்படியும் ஜொல்லலாம்..
தலைவர்?............................................  சூப்பரோ சூப்பர்..

ஆக மொத்தம் எல்லாம் சேர்ந்த கலவையை, கலந்துகட்டி தமிழர்களுக்காக கொடுத்ததை, வாழ்த்தி  வரவேற்க்கும் இந்த தருணத்திலே.. ( யோவ்.யோவ்.. எழுதிக்கிட்டு இருக்கும்போது எதுக்குய்யா  சாணிய எடுக்கிறே?...)

ஆனாலும், ரஜினிய வெச்சு ஹாலிவுட் ரேஞ்சுக்கு படம் எடுப்பதில், உங்களை மிஞ்ச  ஆள்கிடையாதுங்கண்ணா.  அதுக்கு பணம் கொடுத்து உதவிய, அண்ணன் கலாநிதியையும், அவருக்கு  இந்த வாய்ப்பை அளித்த அய்யா கலைஞரையும் , நினைக்காமல் இருந்தால், அவன் தமிழன் கிடையாது.

ஐஸ்வரியாராய் அழகா?.. இல்ல எல்லா அழகும் ஐஸ்வரியாவா?. இதுக்கு பதில் சொன்னா அருவாளோட  அமிதாப் வந்தாலும் வரலாம். எதுக்கு வம்பு. அதுவுமில்லாம, வரவர எனக்கு அருவாள்-னாவே அலர்ஜி..

ரஜினியின் நடிப்பு வழக்கம்போல கலக்கல்.... என்ன.(!)....... படம் பார்த்துட்டு வெளிய வரும்போது, டாக்ஸி டிரைவர் முதற்ககொண்டு,  ரஜினிமாறியே தெரியறாங்கண்ணா. அதுக்கு காரணம் உங்க உழைப்புதாங்கண்ணா.  அதுக்காக உங்களை குற்றம் சொல்றேனு நினைக்காதீங்க. அந்தளவு படம் என்னுடைய மண்டையில் பதிஞ்சிருச்சு..ஹி..ஹி



அப்புறம் முக்கியமா, ஒண்ணு சொல்லாட்டி,எனக்கு சாப்பாடு இறங்காது. டெக்னாலஜிய யூஸ் பண்ணி, பூந்து விளையாடியிருக்கீங்க. அதுக்கு செலவு அதிகமாயிருக்கும். வெள்ளக்கார துரைகளையெல்லாம்(?)  வரவெச்சு எடுத்ததா,  பழனிச்சாமி சொன்னான். மிச்சம் மீதியிருந்தா, பத்திரமா வையுங்க. நம்ம, அடுத்த லோ-பட்ஜெட் படத்துக்கு யூஸ் பண்ணிக்கலாம். (பணத்தை அள்ளி வீச நாம என்ன ஆட்சியிலேயா இருக்கோம் பங்காளி..)

மறக்காம, அமிதாப்புக்கு போன் பண்ணி, நம்ம ’அழகாத்தா’வுக்கு சுற்றிப்போடச்சொல்லுங்க. எனக்கு வேற வயிற்றை கலக்குது. சரி விடுங்க அண்ணாச்சி.  சொல்லாம போயிடலாமுனு பார்த்தா, விட மாட்டீங்கிறீங்க.

எனக்கு பர்கரை, பாயாவோட கலந்து சாப்பிட்டா, பின்னாடி கிரீன் சிக்னல்(?) விழும். அன்னை சோனியாவின் ஆசியிலே, தலை நிமிர்ந்து பீடு நடைபோடும் இந்திய மகனாகிய நான், அதுக்காக, சாப்பிடாம இருக்கமுடியுமா?.

இதோ.. சாணி வருவதற்குள் ஷட்டரை போடும்
உங்கள் பட்டாபட்டி..

வாழ்க மக்கள், வளர்க சன்...வெல்க பணநாயகம்...
.
.
.

டிஸ்கி

இதுவரை எந்த கட்சியிலும் உறுப்பினர் அட்டை வாங்காததால், எனக்கு கொ%$#@டை தாங்கும் மனப்பான்மை  வரவில்லை என கூறிக்கொள்கிறேன் ,

ஆங்கில பாணியில பர்கரா?.. இல்லை...நம் பாணியில் பாயாவா?.. ரெண்டும் கலந்து அடிக்காதீங்க சாமிகளா.....

.
.
.