ஆந்திராவில் தமிழன் மீது கொலை வெறித் தாக்குதல்?

செய்தி...
ஆந்திராவில் தமிழக இளைஞர்களுக்கு எதிரான தாக்குதலை நடத்தியவர்கள் மீது கடும் நடவடிக்கை எடுக்க வேண்டும்'' எ‌ன்று தமிழ்நாடு காங்கிரஸ் தலைவர் தங்கபாலு அ‌ம்மா‌நில முதலமை‌ச்ச‌ர் ரோச‌ய்யாவு‌க்கு கடித‌ம் எழு‌தியு‌ள்ளா‌ர்.

இது தொட‌ர்பாக அவ‌‌ர் இ‌ன்று ஆந்திர முதலமை‌ச்ச‌ர் ரோசய்யா, மத்திய அமை‌ச்ச‌ர்கள் ப.சிதம்பரம், விலாஸ்ராவ் தேஷ்முக் ஆகியோருக்கு எழுதியுள்ள கடிதத்தில், ஆந்திர மாநிலம் ஹைதராபாத் நகரில் பெல் நிறுவன வேலைக்காக தேர்வு எழுதச் சென்ற தமிழக இளைஞர்கள் மீது தெலங்கானாப்பகுதி வன்முறையாளர்கள் தாக்குதல் நடத்திய நிகழ்ச்சி கடும் கண்டனத்திற்குரியதாகும்.

பெல் நிறுவன 4ஆம் தகுதி ஊழியர்களின் வேலைக்கான எழுத்துத் தேர்வு கடந்த 14ஆ‌ம் தேதி நடந்தது. அதில் ஐ.டி.ஐ. படித்த தமிழகத்தின் பல்வேறு மாவட்ட இளைஞர்கள் 800 பேர் கலந்து கொண்டனர். அவர்களுள் 600 பேர் தேர்ச்சி பெற்றனர். அவர்கள் 17ஆ‌ம் தேதி நேர்முகத் தேர்வுக்கு அழைக்கப்பட்டிருந்தனர். அதற்காக ஹைதராபாத் நகரில் உள்ள பெல் நிறுவன ஊழியர்கள் குடியிருப்புகளில் தங்கியிருந்தனர்.

இந்நிலையில் தெலங்கானா பகுதியைச் சேர்ந்த நூற்றுக்கும் மேற்பட்ட வன்முறையாளர்கள் அக்குடியிருப்புகளுள் அத்துமீறி நுழைந்து தமிழக இளைஞர்கள் மீது கண்மூடித்தனமான தாக்குதலை நடத்தியுள்ளனர். அதோடு பெல் நிறுவன தமிழக ஊழியர்களும் தாக்கப்பட்டுள்ளனர். அவர்களது உடமைகளையும், வன்முறையாளர்கள் பறித்துக் கொண்டனர்.

அக்கொலை வெறித் தாக்குதலில் இருந்து தப்பித்து தமிழக இளைஞர்கள் நேர்முகத் தேர்வில் பங்கேற்க முடியாமல் தமிழகம் திரும்பியுள்ளனர். நெஞ்சையே பதறவைக்கும் இக் கொடூரச் செய்தியை அறிந்து தமிழகமே அதிர்ச்சி அடைந்துள்ளது.

இந்தியத் திருநாட்டின் அடிப்படை மக்கள் வாழ்வுரிமைச் சட்டப்படி காஷ்மீர் முதல் கன்னியாகுமரி வரையிலான அனைத்து மாநில மக்களுக்கும் எந்த மாநிலத்திலும் வாழ தொழில் புரிய, மத்திய, மாநில அரசுகளில் வேலை வாய்ப்புகளைப் பெற முழு உரிமை உண்டு.

ஆந்திர மாநிலத்தைச் சேர்ந்த குறிப்பாக தெலங்கானாப் பகுதி மக்கள் ஏராளமானோர் தமிழகத்தில் அரசு மற்றும் பல்வேறு தனியார் தொழில் நிறுவனங்களில் பணியாற்றி வருகின்றனர். சுமூகமான வாழ்க்கையை நடத்தி வருகின்றனர். ஆனால் ஆந்திராவில் தமிழக இளைஞர்கள் மீது நடத்தப்பட்ட வன்செயல் கொடுமை இந்திய ஒற்றுமை, ஒருமைப்பாட்டுக்கு மிகவும் விரோதமானது.

பிரதமர் மன்மோகன்சிங் தலைமையிலான மத்திய அரசு நாட்டில் சாதி, இன, மதம் மற்றும் மாநில வெறித்தனச் செயல்பாடுகளின் தீவிரவாதத்தை ஒழித்திட கடுமையான நடவடிக்கைகளை மேற்கொண்டு வருகிறது. அதன்படி ஆந்திராவில் தமிழக இளைஞர்களுக்கு எதிரான தாக்குதலை நடத்தியவர்கள் மீது கடும் நடவடிக்கை எடுக்க வேண்டும்.

மீண்டும் நடைபெறும் பெல் நிறுவன நேர்முகத் தேர்வுக்கு உரிய பாதுகாப்பு அளிக்கப்பட வேண்டும் என்பது மட்டுமல்ல அம்மாநிலத்திலுள்ள அனைத்து தமிழக மக்களின் வாழ்வுக்கும், தொழிலுக்கும் உரிய உத்தரவாதம் தரப்பட வேண்டும். அம்மாநில அரசுக்கான அக்கடமையை அம்மாநில முதலமை‌ச்ச‌ர் உரிய நடவடிக்கையின் மூலம் செயல்படுத்துவார் என்று பெரிதும் நம்புகிறோம் எ‌ன்று த‌ங்கபாலு கூ‌‌றியு‌ள்ளா‌ர்.
 --------------------------------------------------------------------------------------------------------------

எனது மனத்திலே தோன்றியவை....

யார் இந்த தங்கபாலு?
என்னா சார்.. டம்மி பீஸ் எல்லாம் கடிதம் எழுத ஆரம்பித்துவிட்டது..
பசுமைப் புரட்சி , ஓஷோன் ஓட்டை எல்லாம் வாய் கிழிய பேசுபவர்கள் , கடிதம் எழுதி,  துரோகம் செய்த வாலுக்கு என்ன பண்ணப்போகிறோம்..


கடிதம் எழுதினால பிரச்சனை தீர்ந்துவிடுமா?ப.சி என்ன அவ்வளவு பவர்புல் ஆளா ?
ஒரு ஆளு என்னடானா , தந்தியா அடிக்கிறாரு..
இந்தாளு கடிதமா எழுதறாரு.. என்ன கொடுமையாடா சரவணா....
அதுமில்லாமல், நாம் இருப்பது  சோனியா ஆட்சியிலா , இல்லை ...ப.சி ஆட்சியிலா  ,  இல்லை  சிங் ஆட்சியிலா



காஷ்மீர் முதல் கன்னியாகுமரி , எந்த மாநில மக்களுக்கும் எந்த மாநிலத்திலும் வாழ மற்றும் தொழில் புரியலாமா?
அப்படியென்றால், ஏன் காஷ்மீரில் , மற்ற மாநிலத்தினர்  இடம் வாங்க முடியாது...  அதற்கு தேசிய கட்சி என்ன செய்யப் போகிறது?




வன்செயல் கொடுமை இந்திய ஒற்றுமை, ஒருமைப்பாட்டுக்கு மிகவும் விரோதமானது.   மன்மோகன் சிங் அரசு,  தீவிரவாதத்தை ஒழித்திட கடுமையான நடவடிக்கைகளை மேற்கொண்டு வருகிறதா?..
ஆனால் இலங்கை பிரச்சனையில் எவ்வளவு தமிழர்கள் இறந்தார்கள். அப்போது  ஓன்பது ஓட்டையும் அடைத்துவிட்டதா?..


கடைசியாக....
இடம் வாங்க நினைப்பவர்களுக்கு ஒரு நற்செய்தி..

•  மழை பெய்தால் உடனடியாக வடிந்துவிடும் வசதி...

• தோண்டத்தோண்ட நல்ல களிமண் கிடைக்கும் பூமி  

சகாய   விலைக்கு உள்ளது..   உடனடி கிரயம்.. முந்துங்கள்..

(கார்திக் , கனி  என தொடங்கும் பெயருள்ளவர்களுக்கும் ,
நிதி என்று முடியும் பெயருள்ளவர்களுக்கும் ,
இடம் கிடையாது என்பதை வருத்ததுடன் தெரிவித்துக்கொள்கிறோம்..

மேலும்  படத்துக்கும் , இடத்துக்கும் சம்பந்தம் இல்லை..எனவே தமிழக ஜனங்களே.....குழப்பிக்கொள்ள வேண்டாம் என எச்சரிக்கிறோம்...)




தமிழன் , தன்னை தானே காப்பாற்றிக்கொள்ளும் அறிவாளிகள்.. அவர்களுக்கு இந்த பன்னாடைகளின்  கடிதமோ  அல்லது தந்தியோ  தேவையில்லை என்பது என் விருப்பம்...

What do you think ?
.
.